Como xa sabedes esta semana o noso centro acolle unha exposición moi especial para toda a contorna. A historia, non tan lonxana, dos terreos nos que se asenta o noso centro e moitos dos nosos domicilios.
Como unha imaxe vale máis que mil palabras (iso din, aínda que as palabras en galego expresan máis que moitas imaxes) deixamos unha mostra da nosa expo na entrada do cole.
Lembrade que tedes esta semana polas tardes para facer a visita.
O venres alumnado de 4º de EP foi polas clases para dar unha valiosa información... a partir do próximo luns 22 de abril o noso centro acolle unha exposición moi especial que nos conta algo da nosa recente historia.
Hai moitas cousas que descoñecemos do que temos cerca e con esta exposición queremos achegarvos información sobre algunhas cousiñas que temos debaixo, a carón ou preto de onde vivimos e estudamos.
A exposición estará ubicada nas grellas da entrada e as persoas que queiran visitala terán a oportunidade de facelo dende o luns polas tardes durante toda a semana.
Esperemos que vos guste e animádevos a visitala.
O noso agradecemento ás entidades colaboradoras por facer posible que esta exposición estea no noso centro e polo seu traballo de recompilación.
A GRANXA AGRÍCOLA DE MONELOS
Un ano máis o cole participa no concurso da Federación de Asociación de Persoas Xordas de Galicia (faxpg) CANTAMOS COAS MANS e este ano:
POR PARTIDA DOBRE!!!!
Alumnado de 4º e 5º do cole e coa dirección da nosa compañeira Rosa fixeron uns videos moi chulos cos que participar. Xa sabedes que isto vai por votación así que imos deixar o enlace para que poidades entrar e votar pola que máis vos guste. Nós temos o corazón dividido e aínda que sempre defendamos a nosa lingua, que é a nosa paixón, valoramos o esforzo dos catro cursos para levar a cabo este proxecto.
Alumnado de 4º con A FALA
https://www.youtube.com/watch?v=mTFx4FHKupg
Aalumnado de 5º con ESO QUE TU ME DAS
https://www.youtube.com/watch?v=xidl-n4eer4&t=5s
E AGORA A VOTAR!!
APOIADE!!
https://www.faxpg.es/votar-videos-cantamos-2024-es.html
Como xa explicamos hai uns días o 1 de abril os galegos e as galegas celebramos o día grande das Artes Galegas. Este ano dedicado a Francisco Asorey, quen deixou na nosa cidade unha pegada moi importante co seu monumento a outro dos grandes da literatura galega: Curros Enriquez o gran escritor de Celanova (Ourense)
Os nosos intrépidos artistas visitaron a escultura feita por Asorey neste descanso de primavera, sacaron fotos, observaron e reproduciron magníficamente nun debuxo o que viron. Todos son espectaculares e cada quen plasmou o artista ou a artista que ten dentro. Marabilloso o traballo!
Grazas ao alumnado de 4º A que se implicou moito, ao igual que outras clases do cole.
Valorar o noso é valorar a cultura e recoñecer o traballo de artistas que marcaron camiño. Neste caso represéntase a unión de dúas artes a escultura e a literatura.
Hoxe 1 de abril celebramos o Día das Artes Galegas que este ano están decicado a Francisco Asorey, escultor nacido en Cambados (Pontevedra) en 1889, e considerado como un dos grandes renovadores da escultura do século xx, pasou por diferentes lugares de España onde se empapou de grandes coñecementos e recibiu diferentes influencias artísticas; para volver a Santiago, cidade na que finaría en 1961, a desenvolver a súa creación artística.
Deixamos dous enlaces para que coñezades máis da figura de Asorey.
Traballo en formato calameo para que a información poida descargarse.
https://www.calameo.com/read/00670476681de789704e7
Xogo genia.ly para que vos divirtades e aprendades
O pasado 21 de marzo celebramos dúas datas importantes.
O Día Internacional da Poesía e o Día da árbore.
Dende EDLG propuxemos que á hora da lectura ese día se decicase a ler poesía en galego, temos grandes poetas e temos que valoralos como se debe.
Ademais diso houbo clases que fixeron un traballo extra escribindo e decorando os corredores con poesías que ademais nos lembraban a chegada da primavera. Gran traballo!!
Todas as datas teñen unha razón para lembrar. A historia e o recoñecemento fan que unhas vaian por riba das outras mais as reivindicacións do Día Internacional da Muller non pode, nin debe centrarse nun só día, é preciso traballar para que o resto dos 364 días sexan tamén días de respecto e valoración.
Con esta premisa traballamos cada día no noso centro. As actividades deste ano estiveron centradas no recoñecemento das mulleres anónimas que foron referentes, sen sabelo, da fortaleza das mulleres de hoxe.
No post anterior xa falabamos do fío condutor de Ruth Maltilda Anderson como vínculo e coa idea de mulleres precursoras. Así alumnado de Educación Infantil e 1º Ciclo de Primaria puideron gozar dunha actividade deseñada e execucada pola nosa compañeira Laura Rey, que se caracterizou, de xeito marabilloso da propia Ruth Matilda para transportar ao nenos e nenas a que valoren o traballo das mulleres de hai máis dun século. Coa axuda de Rosa fixeron retratos ao alumnado coa carecterización e os obxectos que lembraban oficios e faenas que agora xa non existen ou se realizan doutro xeito.
Mil grazas Laura polo teu bo facer, es unha MARABILLA e grazas ta,mén a Rosa pola imprescindible colaboración.
Por outra banda alumnado de 2º e 3º ciclo visionaron o documental " A viaxe de Ruth" que se ambienta na época da súa viaxe e as dificultades do traballos feminino dende sempre. Retratando os obstáculos que as mulleres debían superar a diario.
Foi unha semana de recoñecemento que pretendemos sexa un pequeno pasiño máis para valorar a cada quen como se merece.
Como xa sabedes esta semana o noso centro acolle unha exposición moi especial para toda a contorna. A historia, non tan lonxana, dos terre...
